આજકાલ મોટાભાગના લોકો ખાસ કરીને ઘરના બાળકોને ચાઈનીઝ ફૂડ ખૂબ ગમે છે. જો તમે ફૂડ લવર છો તો તમે વેજ મન્ચુરિયન ખાધું જ હશે. પરંતુ શું તમે એગ મન્ચુરિયન (Egg Machurian) ક્યારે ચાખ્યું છે. તેનો સ્વાદ પણ એકદમ લાજવાબ લાગે છે. જેમાં બાફેલા ઈંડાને શાકભાજીની સાથે મેરીનેટ કરવામાં આવે છે. આજે અમે આપને એગ મન્ચુરિયનની સરળ રેસિપી જણાવીશું.
જેની મદદથી તમે સહેલાઈથી ઘરે આ મન્ચુરિયનને બનાવી શકો છો.
સામગ્રી
5 બાફેલા ઇંડા, અડધો કપ મેંદો, 2 ચમચી વિનેગાર, 2 ચમચી સોયા સોસ, 2 ચમચી રેડ ચીલી કેચપ, 2 ડુંગળી, 2 લીલા મરચા, સ્વાદ મુજબ મીઠું અને લાલ મરચું, જરૂર મુજબ તેલ
મન્ચુરિયન બનાવવાની રીત
એગ મન્ચુરિયન બનાવવા માટે પહેલા ઈંડાને બાફી લો. આ માટે એક પેનમાં 2 ગ્લાસ પાણી ગરમ કરો અને તેમાં ઈંડા નાખો. 15 મિનિટમાં ઈંડા બફાઈને તૈયાર થઈ જશે. આ પછી છાલ કાઢીને તેને એક બાઉલમાં કાઢી લો. હવે ઈંડાના 2 ટુકડા કરો, જરદીને અલગ કરો અને સફેદ ભાગના ટુકડા કરો.
હવે આ ટુકડામાં મેંદો, મીઠું અને લાલ મરચું પાવડર સ્વાદ અનુસાર મિક્સ કરો અને હાથ વડે બરાબર મેશ કરી લો. મેશ કર્યા પછી નાના-નાના મન્ચુરિયન બોલ્સ બનાવી લો. આ પછી એક બાઉલમાં 3 ચમચી મેંદાનો લોટ અને 2 ઇંડા ફોડીને ઉમેરો. તેને સારી રીતે મિક્સ કરો પછી તેમાં બધા મન્ચુરિયન બોલ્સ નાખો.
આ પછી ગેસ પર એક પેનમાં તેલ મૂકીને ગરમ કરો. તેલ ગરમ થાય એટલે તેમાં તૈયાર મન્ચુરિયન બોલ્સને સોનેરી થાય ત્યાં સુધી તળો. આ પછી એક પેન લો અને તેમાં થોડું તેલ ગરમ કરો.
ત્યાર બાદ ઝીણા સમારેલા લીલા મરચા અને ડુંગળીને તેલમાં નાખીને સાંતળો. આ પછી તેમાં રેડ ચીલી કેચપ, સોયા સોસ, વિનેગર નાખીને મિક્સ કરો. આ પછી મન્ચુરિયન બોલ્સ ઉમેરો અને તેને સારી રીતે મિક્સ કરો. તેને સર્વિંગ પ્લેટમાં કાઢી લો. તૈયાર છે એગ મન્ચુરિયન.