નસીરુદ્દીન શાહ હાલમાં જ દિલ્હી ઍરપોર્ટ પર લોકો પર ભડકી ઊઠ્યા હતા. લોકોએ તેમની પાસે આવીને સેલ્ફીની ડિમાન્ડ કરતાં તેઓ રોષે ભરાયા હતા. એનો વિડિયો સોશ્યલ મીડિયામાં વાઇરલ થયો છે. એ વિડિયોમાં તેઓ ગુસ્સામાં બોલી રહ્યા છે કે મૂડ ખરાબ કર દિયા આપ લોગોંને. નસીરુદ્દીન શાહે બ્રાઉન શર્ટ, ડેનિમ પહેર્યાં છે અને ગળા પાસે સ્વેટર વીંટાળેલું છે.
ચહેરાને માસ્કથી ઢાંકી રાખ્યો છે. તેમના હાથમાં એક બુક પણ છે. એ વિડિયોમાં એમ પણ સંભળાઈ રહ્યું છે કે હવે ભવિષ્યમાં આવું ફરી નહીં થાય. આમ છતાં નસીરુદ્દીન નારાજ દેખાય છે.
સાથે જ નસીરુદ્દીન શાહ એમ પણ કહી રહ્યા છે કે સમઝતે નહીં હૈ આપ લોગ એક દફા બાત કી જાએ. આ વિડિયો પર લોકો કમેન્ટ કરી રહ્યા છે. તેમનું કહેવું છે કે તેઓ પબ્લિક ફિગર હોવાથી તેમને તકલીફ ન આપવી જોઈએ. જો તેમને સેલ્ફી નથી પસંદ તો એનું માન રાખવું જોઈએ. તેમને પણ કમ્ફર્ટની જરૂર છે.