IPLની 17મી સિઝનનો પ્રારંભ 22 માર્ચથી થશે
સૂર્યકુમાર યાદવ પ્રથમ બે મેચમાંથી થઈ શકે છે બહાર
NCAએ હજુ સુધી તેને સંપૂર્ણપણે ફિટ જાહેર કર્યો નથી
IPL 2024 22 માર્ચથી શરૂ થવા જઈ રહી છે. પ્રથમ મેચ ચેન્નાઈ સુપર કિંગ્સ અને રોયલ ચેલેન્જર્સ બેંગ્લોર વચ્ચે રમાશે. મુંબઈ ઈન્ડિયન્સ 24 માર્ચથી તેમના અભિયાનની શરૂઆત કરશે. સિઝનની શરૂઆત પહેલા જ મુંબઈ ઈન્ડિયન્સની પરેશાનીઓ વધવા લાગી છે.
ટીમનો સ્ટાર ખેલાડી પ્રથમ બે મેચમાંથી બહાર રહી શકે છે. જેના કારણે ટીમની બેટિંગ નબળી દેખાઈ શકે છે. IPL 2024માં આ વખતે મુંબઈ ઈન્ડિયન્સ નવા કેપ્ટન સાથે મેદાનમાં ઉતરવા જઈ રહી છે. મુંબઈ ઈન્ડિયન્સમાં હાર્દિક પંડ્યાની વાપસી સાથે તેને રોહિત શર્માની જગ્યાએ ટીમની કેપ્ટનશીપ પણ મળી ગઈ છે.
પ્રથમ બે મેચમાંથી થશે બહાર
મુંબઈ ઈન્ડિયન્સના વિસ્ફોટક વિસ્ફોટક બેટ્સમેન સૂર્યકુમાર યાદવ આ દિવસોમાં નેશનલ ક્રિકેટ એકેડમી (NCA)માં રિહેબ પ્રક્રિયામાંથી પસાર થઈ રહ્યો છે. સૂર્યકુમાર યાદવ દક્ષિણ આફ્રિકાના પ્રવાસ દરમિયાન ઈજાગ્રસ્ત થયો હતો, ત્યારબાદ તેની સર્જરી કરવામાં આવી હતી અને હવે તે પોતાને ફિટ કરવા માટે સખત તૈયારી કરી રહ્યો છે. જો કે નેશનલ ક્રિકેટ એકેડમીએ હજુ સુધી તેને સંપૂર્ણપણે ફિટ જાહેર કર્યો નથી. તમને જણાવી દઈએ કે, મુંબઈ ઈન્ડિયન્સ તેની પ્રથમ મેચ 24 માર્ચે ગુજરાત ટાઈટન્સ સાથે રમશે.
એક અહેવાલ મુજબ, સૂર્યકુમાર યાદવ ગુજરાત ટાઇટન્સ સાથેની પ્રથમ મેચ ચૂકી શકે છે અને બીજી મેચમાં પણ તેના રમવાની શક્યતા ઓછી છે. NCAની સ્પોર્ટ્સ સાયન્સ અને મેડિકલ ટીમ ગુજરાત ટાઇટન્સ અને સનરાઇઝર્સ હૈદરાબાદ સામેની પ્રથમ બે મેચમાં રમવાની પરવાનગી આપશે કે કેમ તે હજુ સુધી કન્ફર્મ થયું નથી.
સૂર્યકુમાર T20માં મહત્વનો ખેલાડી
IPL 2024 બાદ T20 વર્લ્ડકપ 2024 જૂનમાં શરૂ થશે. સૂર્યકુમાર યાદવ T20 ઈન્ટરનેશનલ ક્રિકેટમાં વિશ્વનો નંબર વન બેટ્સમેન છે, તેથી આ વખતે સૂર્યકુમાર T20 વર્લ્ડકપ 2024માં ટીમ ઈન્ડિયા માટે મહત્વની ભૂમિકા ભજવી શકે છે. T20 ક્રિકેટમાં સૂર્યકુમાર યાદવે કમાલ કરી છે. ઘાયલ થયા પહેલા પણ સૂર્યકુમાર યાદવ શાનદાર ફોર્મમાં હતો. સૂર્યકુમારે દક્ષિણ આફ્રિકા અને ઓસ્ટ્રેલિયા વિરૂદ્ધ T20 સીરિઝમાં ખૂબ જ શાનદાર ઇનિંગ્સ રમી હતી. આવી સ્થિતિમાં હવે ફેન્સને આશા છે કે સૂર્યા IPL 2024માં પણ પોતાનું શાનદાર ફોર્મ ચાલુ રાખે અને T20 વર્લ્ડકપ 2024 માટે બૂમો પાડશે.