પરસેવો શરીરનું તાપમાન કંટ્રોલ કરવાની સાથે સાથે વિજાતીય વ્યક્તિને આકર્ષિત કરવામાં મુખ્ય ભૂમિકા ભજવી શકે છે. જર્નલ ઓફ ન્યૂરોસાયન્સમાં પ્રકાશિત થયેલ રિસર્ચ અનુસાર અન્ય જીવની જેમ પરસેવામાં પણ એક વિશેષ ગંધ હોય છે, જે વિજાતીય વ્યક્તિને પ્રભાવિત કરી શકે છે.
કેલિફોર્નિયા યુનિવર્સિટી બર્કલેના સંશોધનકર્તાઓએ રિસર્ચ અનુસાર પુરુષોના પરસેવામાં એક વિશેષ તત્ત્વ એંડોસ્ટેડિયનોન હોય છે, જેથી મહિલાઓમાં કોર્ટિસોલ લેવલ વધે છે.
કોર્ટિસોલ એક સ્ટ્રેસ હોર્મોન છે, જે મહિલાઓના મૂડ અને યૌન ઉત્તેજનાને પ્રભાવિત કરી શકે છે.
રિસર્ચ પરિણામ
રિસર્ચ કરવા દરમિયાન મહિલાઓને પુરુષોના પરસેવામાંથી કાઢવામાં આવેલ વિશેષ કેમિકલ પદાર્થ આપવામાં આવ્યું. ત્યારપછી મહિલાઓના લોહીમાં કોર્ટિસોલ લેવલ માપવામાં આવ્યું. જેના પરિણામસ્વરૂપે રિસર્ચર્સને જાણવા મળ્યું કે, જે મહિલાઓએ સ્મેલ લીધી હતી તે મહિલાઓમાં અન્ય મહિલાઓની સરખામણીએ કોર્ટિસોલ લેવલ વધુ હતું.
રિસર્ચર્સનો મત
આ રિસર્ચના પ્રમુખ સંશોધનકર્તા ડૉ.ક્લેયર વાયાર્ટે જણાવ્યું છે કે, આ રિસર્ચ પરથી જાણવા મળ્યું છે કે, મનુષ્યમાં ગંધના માધ્યમથી સિગ્નલ એક્સચેન્જ થાય છે. ઉંદર અને પતંગિયા ગંધની મદદથી સિગ્નલ એક્સચેન્જ કરે છે અને તેમના વ્યવહાર પર અસર થાય છે. તે પ્રકારે સ્ટડી પરથી જાણવા મળ્યું છે કે, માનવ ગંધ વિજાતીય વ્યક્તિને બાયોલોજિકલ અને મનોવૈજ્ઞાનિક રૂપે અસર કરી શકે છે.