શિયાળાની સીઝન હવે શરૂ થઈ ચૂકી છે. ગુલાબી ઠંડી બાદ હવે ઠંડીનો ચમકારો અનુભવાય છે. આ સમયે એવી અનેક ચીજો છે જેનું શિયાળામાં સેવન કરી લેવાથી શરીરને અનેક બીમારીઓમાં લાભ મળે છે અને સાથે જ સ્કીન અને વાળને પણ ફાયદો થાય છે.
શિયાળામાં કરાતું ગુંદર, કાળા તલ, સફેદ તલ અને ખજૂરનું સેવન તથા સૂંઠ અને ગંઠોડાનું સેવન અનેક રીતે ફાયદારૂપ માનવામાં આવે છે. તો આજે જાણીએ શિયાળામાં કાળા તલનું સેવન કઈ રીતે લાભદાયી રહે છે અને તેનાથી કઈ સમસ્યામાં રાહત મળી શકે છે.
વાળને સફેદ થતા અટકાવશે
જો તમે રોજ કાળા તલ ખાઓ છો તો તમને વાળ ખરવાની સમસ્યા ઓછી થાય છે. અકાળે સફેદ વાળને ટાળવા માટે પણ તે ખૂબ જ ફાયદાકારક છે.
કબજિયાતની તકલીફને કરશે દૂર
જો તમને પેટ સંબંધિત સમસ્યા હોય અથવા કબજિયાતની સમસ્યા હોય તો તમારે કાળા તલનું સેવન કરવું જોઈએ.
પેટની તકલીફોને કરશે દૂર
તે પેટમાંથી કૃમિ દૂર કરવામાં અને પાચન સુધારવામાં ખૂબ જ મદદરૂપ છે. તેનાથી તમારું પેટ સાફ રહેશે અને વારંવાર પેટ ખરાબ થવાની સમસ્યા પણ દૂર થઈ જશે.
બીપીને રાખશે કંટ્રોલમાં
બ્લડ પ્રેશરને સંતુલિત રાખવામાં પણ તે ખૂબ જ ફાયદાકારક છે. કાળા તલમાં મેગ્નેશિયમ મોટી માત્રામાં જોવા મળે છે.
હાડકાંની મજબૂતી માટે લાભદાયી
હાડકાંને મજબૂત કરવા માટે પણ ખૂબ જ ફાયદાકારક છે. કાળા તલમાં કેલ્શિયમ અને ઝિંક મળી આવે છે જે શરીરને મજબૂત બનાવવામાં ફાયદાકારક છે.